2015年8月23日 星期日
2015年5月30日 星期六
[遊記]單拖六天日本冇準備係咁仆街之旅
戴頭盔先,識我唔好起底,分享下姐
話說前果排就見到東京有平機票,咁就諗都唔諗就買左機票狗衝,計埋稅先1900,
咁小弟係二月頭就出發左,其實都唔係太凍,我都係著返香港著開既衫
由於我唔太慣plan行程,所以我上網睇左少少基本資料就狗衝左
利申 完全唔識日文
[第一日]
呢日就冇乜特別,因為我就晏晝機去,落機都7,8點,我就住池袋既,貪佢啲野開到比較夜
因為第一次去日本啦,完全未摸熟地型,我去到連酒店都唔識搵,要去池袋站既西面,我就去左東面,頂,諗諗下都係食完野先算,我去左咁多日都係食得好求其,窮jj冇乜錢食太豪
搞完一輪搵到間酒店放企啲野,出去探下路先,行左陣入左條幾五光十色既街,兩邊到有啲唔知乜鬼既成人店啦,好多日本仔企係啲十字路口撩人,一睇就知應該係馬伕果類野黎,
一般黎撩我果d我都冇理佢,因為我都唔知佢嘰哩咕嚕講乜,但我既好奇心又叫我去睇下呢班蛋散到底係咩人,不過小毒撚又怕羞唔敢咁直接,所以我扮問路,傾完一輪無謂野,佢入正題就問我:sex? ,而我不知到佢係想同我sex定帶我去sex, 反正我走了
一般黎撩我果d我都冇理佢,因為我都唔知佢嘰哩咕嚕講乜,但我既好奇心又叫我去睇下呢班蛋散到底係咩人,不過小毒撚又怕羞唔敢咁直接,所以我扮問路,傾完一輪無謂野,佢入正題就問我:sex? ,而我不知到佢係想同我sex定帶我去sex, 反正我走了
[第二日]
今日我就諗住去輕井澤滑雪同行下,之後再搭巴士去草津,因為我經過書局見到旅遊書寫果到有巴士去,咁訓醒就出發啦,去輕井澤都冇特別意外,係坐錯左豪華位,果陣我心諗,乜日本新幹線靚得咁誇張,張張都按摩椅咁,5千幾円係唔同d既,點知之後有人話我聽錯坐,我又車頭行返到差唔多最尾
今日我就諗住去輕井澤滑雪同行下,之後再搭巴士去草津,因為我經過書局見到旅遊書寫果到有巴士去,咁訓醒就出發啦,去輕井澤都冇特別意外,係坐錯左豪華位,果陣我心諗,乜日本新幹線靚得咁誇張,張張都按摩椅咁,5千幾円係唔同d既,點知之後有人話我聽錯坐,我又車頭行返到差唔多最尾
終於都到輕井澤,聰明的我緊係去左睇下巴士時間表先啦,咁搵到個巴士站睇完之後,我見到隔離有間租單車既鋪頭,我就屎忽痕咁租左架單車去踩,我本身都冇諗去緊邊,總之就我一路向北啦,之後踩左去條馬路都結晒冰既雪山,冼到呀媽都唔認得,一個人係雪山踩單車,係精神既,好彩冇仆街,沿途風景都幾靚,之後踩到咁上下時間就回程,順便搵下野食,之後見到間唔知乜乜乜,就入左去食,呀老板娘都好主動係咁撩我傾計,食完又繼續踏上這無盡旅途,點知踩到返去冇時間滑雪,算,去行outlet!!!!! 估唔到又幾多野睇,仲要平,由於我唔想拎太多野,最後買左頂綠帽比我自己算。
買完野,諗住趕16:20果班尾班車,趕到去發現仆街啦,點解尾班係16:00,之後我搵的士佬問下去草津要幾錢,嘩頂要成15000円,當我冇講過,不過正所謂,旅行就係咁多意外先好玩,咁我去旅遊中心問下啦,本身我就諗住改去長野果頭玩下再殺落草津(睇地圖好似近d),但個姐姐就推薦我落高崎(ta ka sha ki)再轉車去草津,點知我買飛果陣讀左ka wa sha ki(川崎),仆街我唔要去做川崎前鋒呀,好彩我無啦啦見到隔離有紙筆,我寫一寫出黎,先知岩岩自己讀錯野,總算安全到左高崎
去到高崎轉車啦,我搵緊邊架車既時候,見到架車入面坐左個好清純既日本妹,之後我就入去問下呢架岩唔岩,又用我既少量英文加身體語言都問得掂,之後佢全程車都怕怕醜醜咁既樣
搞完一輪,終於去到草津,估唔到佢既夜景都幾有風味,行下個湯畑影下相,之後就搵野食,之後入左間居酒屋,食左個馬肉同唔知乜東東
食食下呢有兩個一睇就知熟客仔既日本大叔,入到黎一見到我部相機就撩我傾計,雖然佢又太唔識英文,我又唔太識,不過我地都傾到一輪,佢啲表情反應好鬼正,係到扮日本妹反應,你地想像下一個日本大叔扮日本妹既樣,之後佢又問我: 唔知乜鬼sex?(日本仔真係好咸濕),之後又我有冇女朋友,有冇同女朋友sex,到最後我又係唔知佢想同我sex定帶我sex定純粹問我有冇去搵日本妹sex,話晒草津咁山卡啦都唔知有冇
佢本來請我飲酒我都拒絕,話晒成8點鍾都未搵酒店,廢事飲到咁攰,果到啲野普遍都56點就關,咁佢知我未搵酒店,就同我請一泊4000yan,之後我扮聽唔明算,話晒一開始露出左部貴相機,安全d好,咁食到咁上下,我走啦,佢竟然想請我食飯,我拒絕左一輪,最後佢都堅持比一半,是但啦,之後我都禮貌上同佢飲杯清酒(其實我本身都想試)
飲完我出返去搵酒店啦,我本身已為好多溫泉旅館,一定搵到啦,點知好多都關晒門或者冇晒位,條街仲要黑媽媽加落緊雪,我心諗呢次仲唔仆街,(利申我著緊兩件衫,我第二日睇天氣報告係-2度),不過我一早預左最壞打算係訓加,加上果到好似有間24小時既7-11,實死唔去,跟住我行多幾行踩到啲冰,冼一冼痛到離晒譜,頭幾步唔太行到添,不過好彩冇事
最後搵到間酒店,6300yan,上到房我發覺成間鬼屋咁既,個感覺真係麻麻,之後我決定落溫泉大浴場沖涼算,咁沖完身浸完室內暖一暖再條條fing咁樣跑出室外浸,浸左一陣發覺得自己一個咁樣浸有點不安,都係入返室內,之後浸浸下我發覺隻手好似有少少冇去到既感覺,之後上水行左步,我既第二次仆街出現了,眼前一黑,啪一聲斷左片,(左手前擘兩邊膊頭同左邊頸有傷/痛)有冇高登仔諗到我係點仆,之後同場的兩個日本仔黎叫醒我,幫我淋一淋暖水,係到問 (da jo bu)? 呢句我終於明,之後我係咁話okok,總算冇乜野(應該關飲左酒事,我第二日浸得仲耐都冇野),最後返上鬼屋執下野就訓左
[第三日]
今日原本係我最期待既畫面
就係混浴溫泉
今日原本係我最期待既畫面
就係混浴溫泉
咁一起身check out完,醒目的我死人都食完早餐就睇下返新宿既巴士班次,睇完就去滑返個雪先,草津有免費接駁車上天狗山,上到去租板玩半日啦,呢間就抵過輕井澤果個間既,半日先2500yan,我就冇租欖車,窮j身家不足,(講起身家,千其唔好去到日本先唱,貴超超超超超超超超超多,唔係少少,我就係諗住差唔遠就奶野,果邊仲對緊100yan:8hkd ,每100yan已經爭兩蚊,神算軒都應該識計啦)
講返正題,小毒撚其實係第一次玩snowboard,之前係韓國就玩過兩碌棍果種,果種係易d既,玩snowboard 我仆街仆到離晒譜,一般都係屎忽落地,打關豆都試過幾次(我諗我係受到草津仆街之神祝福,2日之內可以仆咁多次),之後我屢敗屢戰,仆完落去又托返塊板上高位,係唔知幾多次之後,終於可以剎到車同轉到灣,d日本妹果種欣賞既眼神真係不得了,我部gopro冇電拍唔到滑雪片,淨係得單車片
(非ff)真係有班日本妹望住我由仆街仔變仆得少左既仆街仔
咁滑完雪,搭返五分鐘免費車落草津,去買張回程巴士飛,行一陣食下野再去我最期待既混浴溫泉,同呀婆呀伯赤裸裸地浸浴,因為我之前上網搵過,草津應該得一間混浴,咁就向果間大瀧乃湯進發啦
一入到去已經覺得唔對路,仆街個feel都唔似混浴既,點知入到去見到全部jj條條fing,就知佢應該係改左,個死人網冇更新,心諗又中伏,是但啦都入左黎就浸埋啦,浸完出大堂坐下食下雪糕就走返去溫泉街行下,我黎左咁耐都未正式行過條溫泉街,d鋪頭都幾特別既,起碼唔會好似城市咁千篇一律,d溫泉曼頭係幾好食,佢其實係d類似豆沙包咁既物體黎,去到可以一試。之後我都係買下擺設記念品果類,跟住就搭車返新宿
搭左幾粒鐘,終於返到新宿,我都係亂咁行,咁岩見到歌舞妓丁,緊係入去行下啦,我第三日比人問sex?,呢到既馬伕有一部分係黑人,問我果個正正就係!! 仆街,玩到咁激,黑人我受唔起喎! 除左呢樣,我仲記得有間叫激安唔知乜鬼野既鋪頭,入面好鬼多古靈精怪既野賣,我記得有粒變聲藥丸同埋一粒類似春藥既物體我好想買,但對於窮jj既我,我冇乜錢買,但我又驚帶唔到返香港,所以放棄左,有冇巴打試過
周圍行多之後我去左食迴轉壽司,我黎左咁多日第一次食魚生,都幾平幾好味,唔講咁多,去圖
食完野行多陣街我就返左去
返到去hostel,原本的韓國肥仔以經不見了,(我好似冇講過,我第一日比較夜去到,我去到已經熄晒燈,我只係同呢個幾好人既肥仔講左幾句,我一入房呢個肥仔就主動幫我搵埋床位),但樓下多左個意大利妹(冇甜,純粹講下)
返到去hostel,原本的韓國肥仔以經不見了,(我好似冇講過,我第一日比較夜去到,我去到已經熄晒燈,我只係同呢個幾好人既肥仔講左幾句,我一入房呢個肥仔就主動幫我搵埋床位),但樓下多左個意大利妹(冇甜,純粹講下)
[第四日]
呢日我原本就係諗住行下d出名境點同去秋葉原搵女僕cafe,中伏當食生菜既我當然又中伏啦
呢日我原本就係諗住行下d出名境點同去秋葉原搵女僕cafe,中伏當食生菜既我當然又中伏啦
天真的我以為東京鐵塔會係東京站,去到東京站先發覺唔係,咁我去旅客中心問下啦,我發覺日本有個失敗之處,就係都營地鐵同jr係近乎完美地分開,即係話我係東京jr站係完全睇唔到都營地鐵既路線圖,同埋點轉車,搞到我頭都大埋
搞完一輪,辛辛苦苦終於去到東京鐵塔(後尾我發現東京鐵塔既人流係少個晴空塔超多,睇黎大家都係貪新忘舊),以外觀黎計,我覺得東京鐵塔係比較靚,入去行完一輪,發覺外面睇仲好睇過入面,d城市全境周圍都差唔多
之後我就搭左去晴空塔,由於我前一日係酒店上網睇左大約係邊,加上我又熟悉左佢既鐵路系統,都算係輕鬆去到,晴空塔下面有個大型商場,都幾多野行,不過我冇錢,基本上我都係係到玩櫃員機,部部試下,但冇一部得!
係塔下影左幾張相,我發覺而家試上去睇既野,咪同頭先差唔多,之後我就決定去左秋葉原先,日落再返黎
咁我黎到秋葉原啦,仆街,我仲以為一落車就會好易見,原來係比我想像中難,搵左陣先比我搵到,仲比我見到銀行有開,但銀行竟然係冇得唱錢!
終於黎到毒氣散發既地區,呢到d野真係好鬼毒,我就唔太好動漫果d,我淨係識火影同海賊王,所以呢到既野唔太岩我睇,不過都幾多清純既毒女,d毒女真係好鬼有女朋友feel,行下行下,見到好多女僕企街,有d幾可愛 有d重口味,我係香港都未去過呢d地方,其實有d驚中伏,但我抱住勇士既精神,兜左兩個圈就是但搵左間衝入去,點知就奶晒野,仆你個街,我去左誅羅紀咁樣,個個都重口味到一個點,我簡直係好似睇緊與龍同行咁,不過都入到黎,就是鬼但啦,求其嗌杯野飲坐陣算,但個女僕帶完我坐低知後,竟然係我面前扮可愛,頂,我唔想睇胖妹扮可愛呀仆街,之後無啦啦叫我跟佢數123,我心入面就剩係想佢快d放過我,陪佢搞掂d無謂野,打發左佢之後我終於可以靜靜地飲杯野,其間佢問過我合唔合照,影就要500yan,我心諗,你比返我都要諗下呀,咪玩啦
之後黎左幾個外國人,睇佢地個反應應該覺得幾新鮮,個鬼妹仲靚過個女僕
再之後果個日本大叔先好笑,我稱佢為老毒撚,佢係一個三四十歲既肥大叔,佢又比人叫佢做呢d低b野啦,開頭數123佢個監介樣已經好好笑,佢仲要扮埋可愛咁嗌,我feel到佢應該好high,睇佢個款似好耐冇接觸過女果重,佢真識食,望住隻恐龍都high得起
我臨走既時候,佢杯野飲到,之後個女僕又叫佢唔知做d乜,佢個監介得黎又high既反應又出現了,我望到幾乎全世界都恥笑緊佢既時候,我係lift口終於笑左出聲,一入到lift直頭係大聲笑左出黎
之後我去返原定的晴空塔,正確黎講,係趕返去,我去到晴空塔既樓下,已經係開始日落,仲要排大隊,不過都冇計架啦
辛辛苦苦上到去,總算仲有水尾睇,話就話可以遠眺富士山同日落,不過我唔係覺得特別靚同有feel,我比較鐘意係自然既地方睇日落
好啦,循例野就睇完,之後我再次返左池袋行街,比我發現到,原來d飛機杯都幾平,我想幫高登仔團購架啦,再行多陣我就去左食迴轉壽司,我黎左咁多日第一次食魚生,係幾好食的,不過垃圾口唔識分咁多,食完之後就結束一天行程,返去同義大利妹傾計,原來佢係浪子黎,下一站會去泰國,我遲早都要咁做!
[第五日]
今日原本就諗住係鳩嗚之日,我既目標有袋鞋褸,去鳩嗚,我第一站就係原宿竹下通,但原來原宿站仲有個明治神宮,咁就去兜個圈啦,明治神宮就係呀明治天王個唔知乜野宮,總之同佢有關係啦,呢到可以用一個字黎形容:「大」,佢要行好鬼遠先可以去到下一個點,但其實好似冇乜好睇,不過咁岩捱到有人結婚,佢地著住和服好慢咁行,好似遊街示眾咁
睇左陣我就走啦,走既時候先發現,仆街鞋底攝左幾十粒石仔,因為佢成條路都係碎石路,我對鞋d坑又闊,了得我幾辛苦
咁行完呢個蛋治,之後我行落去鳩嗚區啦,其間見到有班日本仔係nike門口排隊買波鞋,雖然我個人黎講本身唔係太識aj果類野,我開頭既目標係nb專門店,但咁多日本仔排,搞到我又想狗衝,但間野未開門,咁我食完野再返去買啦
食完其實已經過左開門時間一陣,咁我照入去睇啦,點知我開頭睇岩果個款冇晒,咁簡過對啦,其實我已經冇現金,見到排我前面有對香港情侶,如果唔比簽卡的話,我打算搵佢地唱,不過都總算比我買到
買完啦,買完就入左竹下通行下,個feel都幾特別,但我發覺條條女塊面都好似本到好紅咁,我唔知特別日子定果區既人鍾意咁玩,不過真係好多女
我繼續向我既nb專門店進發,因為我係u乜乜個旅遊網見到佢話有間好大既nb,入面會有限量版既鞋,但我根據佢既地址搵左勁那耐都完全見唔到,佢講到咁大,無理由咁難搵,係晒左我超多時間,兜左勁多個兜之後,我終於要放棄,地址我應該冇搵錯,所以我懷疑個網有錯(之後係北京都有出現同一個情況,去到搵唔到,又係信左果信網)
咁我之後就順住行左去澀谷啦,一去到有free hug玩,仲要係鬼妹黎,當然要試下,hug完吹兩句我就繼續行,其實呢個地方我覺得冇乜特別,池袋新宿澀谷就好似旺角尖沙咀銅鑼灣咁,d野其實都差唔多,不過澀谷有d另類重口味美女,黑大肥!好不安!
粗粗地行完我又返返池袋放低對鞋,再入返個太陽城,因為琴日去過,個寵物小精靈咩咩已經關左門,所以今日去多次,之後都係食返琴日果間壽司(廢事諗),食完得返3000yan,本身要黎預聽日搭返去機場,咁就岩岩好(後尾我發現借左個差電,比左1000按金)早知呢日唔洗就住洗啦!!!
之後返去同義大利妹講多幾句就完事,我凌晨5點起身,佢竟然仲早過我!
[第六日]
倒塔咁早既機,一早起身爬過去,本身係岩岩好,但間爛鬼公司check in鬼咁慢,差唔多到起飛時間先check晒,搞到我趕頭趕命
其間有段小插曲,排我前面果位哥哥仔就話驚行李過重,但身上冇晒yan,問我有冇得借,咁大家香港人,冇所謂啦果1000yan(全庫身家),不過佢最後傾得掂數
講開就知道佢行河口湖果邊,即係睇富士山既一個好地方,我原本都想去,不過冇錢冇時間!
總括黎講,日本呢個地方其實都唔錯,人就普遍都nice,食物都唔錯,風景同玩既野都有,算係我去過既地方入面少數可以再戰既地方!
完!
訂閱:
文章 (Atom)